GHSS KOTTODI

ചിത്രം വരക്കാന്‍ കൊട്ടോടി സ്കൂളിലെ മാതൃഭൂമി സീഡ് കുട്ടികള്‍ക്ക് മണ്ണും വിരലുകളും മാത്രം മതി.മാതൃഭൂമി സീഡ് ക്ലബ്ബിലെ അംഗങ്ങള്‍ 2015 അന്താരാഷ്ട്ര മണ്ണ് വര്‍ഷത്തോടനുബന്ധിച്ച് മണ്ണ് ചിത്രപ്രദര്‍ശനം സംഘടിപ്പിച്ചു.സാധാരണ വര്‍ണ്ണങ്ങള്‍ ചാലിച്ച് വരക്കുന്നതിനേക്കാള്‍ ഭംഗിയായി ചിത്രകലയില്‍ പ്രാവീണ്യമില്ലാത്ത സീഡ് ക്ലബ്ബംഗങ്ങള്‍ മനോഹരങ്ങളായ പ്രകൃതി ദൃശ്യങ്ങള്‍ ചാര്‍ട്ട് പേപ്പറില്‍ ചിത്രീകരിച്ചു.കൊട്ടോടി പുഴയുടെ തീരത്തുള്ള കറുത്ത കളിമണ്ണും ചുവന്ന മണ്ണും ആണ് ചിത്രം വരക്കുന്നതിനായി കൂടുതല്‍ ഉപയോഗിച്ചത്.ചില കുട്ടികള്‍ ഇലച്ചാറുകളും നിറങ്ങള്‍ക്കായി ഉപയോഗിച്ചു.മണ്ണിന്റെ മഹത്വം വരകളിലൂടെ ഫലിപ്പിക്കാന്‍ ചിത്രകാരന്‍മാര്‍ക്ക് കഴിഞ്ഞു.ചിത്ര പ്രദര്‍ശനം ഹെഡ്‌മാസ്റ്റര്‍ ശ്രീ.ഷാജിഫിലിപ്പ് ഉദ്ഘാടനം ചെയ്തു.സീഡ് കോര്‍ഡിനേറ്റര്‍ എ.എം.കൃഷ്ണന്‍,സുകുമാരന്‍ പെരിയച്ചൂര്‍,പ്രശാന്ത്.പി.ജി,ബിനോയി ഫിലിപ്പ്,വി.കെ.ബാലകൃഷ്ണന്‍,ആന്‍സി അലക്സ് എന്നിവര്‍ സംസാരിച്ചു.ചിത്ര പ്രദര്‍ശനം കാണാനെത്തിയ രക്ഷിതാക്കളും മറ്റു വിദ്യാര്‍ത്ഥികളും ചിത്രങ്ങള്‍ വരച്ച ഒന്‍പത് എ,ബി ക്ലാസ്സിലെ സീഡ് ക്ലബ്ബംഗങ്ങളായ വിദ്യാര്‍ത്ഥികളെ അഭിനന്ദിച്ചു.ചിത്ര പ്രദര്‍ശനം മറ്റ് വിദ്യാര്‍ത്ഥികള്‍ക്ക് പ്രചോദനമായി.മുഴുവന്‍ വിദ്യാര്‍ത്ഥികളെയും പങ്കെടുപ്പിച്ചു കൊണ്ടുള്ള ഒരു വലിയ ചിത്ര പ്രദര്‍ശനം സംഘടിപ്പിക്കാനുള്ള തീരുമാനത്തിലാണ് സ്കൂളിലെ മാതൃഭൂമി സീഡ് കുട്ടികള്‍.

Friday, August 21, 2015

കൊട്ടും തുടി - 2015

ഓണത്തെ വരവേറ്റുകൊണ്ട് കൊട്ടോടി സ്കൂളില്‍ കൊട്ടും തുടി - 2015 എന്ന പേരില്‍ ഓണാഘോഷം സംഘടിപ്പിച്ചു.മഹാബലിയും വാമനനും പുലിക്കളിയും ബാന്‍ഡ് മേളവും ഉള്‍പ്പെടെയുള്ള ഘോഷയാത്രയോടുകൂടി ആഘോഷപരിപാടികള്‍ ആരംഭിച്ചു.അധ്യാപക-രക്ഷാകര്‍തൃ സമിതി നേതൃത്വം നല്‍കിയ ആഘോഷപരിപാടികളില്‍ കൊട്ടോടിയിലെ നാട്ടുകാര്‍ ഒന്നടങ്കം പങ്കുകൊണ്ടു.വിദ്യാര്‍ത്ഥികള്‍ക്കായി പൂക്കളമത്സരം,വടംവലി,സുന്ദരിക്ക് പൊട്ടുതൊടല്‍,ആനക്ക് വാല് വരയ്ക്കല്‍,കസേരകളി,മിഠായി പെറുക്കല്‍ തുടങ്ങി വിവിധ മത്സരപരിപാടികള്‍ നടത്തി സമ്മാനം നല്‍കി.നമ്മള്‍ കൊട്ടോടിക്കാര്‍ വാട്സ് ആപ് ഗ്രൂപ്പ് സമ്മാനങ്ങള്‍ സ്പോണ്‍സര്‍ ചെയ്തു.വിഭവ സമൃദ്ധമായ ഓണസദ്യയും ഉണ്ടായിരുന്നു.