ഇന്റേണല്‍ സപ്പോര്‍ട്ട് മിഷന്‍ (ISM) പദ്ധതിയുടെ ഭാഗമായി കാഞ്ഞങ്ങാട് വിദ്യാഭ്യാസ ജില്ലാ ഓഫീസര്‍ ശ്രീമതി സൗമിനി കല്ലത്തിന്റെ നേതൃത്വത്തിലുള്ള മോണിറ്ററിംഗ് ടീം സ്കൂള്‍ 02.07.2015ന് രാവിലെ 9.40 ന് സന്ദര്‍ശിച്ചു.സ്കൂളിലെ പഠനാന്തരീക്ഷം മെച്ചപ്പെടുത്തിക്കൊണ്ട് സ്കൂളിന്റെ ഉന്നമനത്തിനായി എല്ലാവിധ പിന്തുണയും നല്‍കുകയെന്നതാണ് പദ്ധതി ലക്ഷ്യമിട്ടിരിക്കുന്നത്.ISM ടീം അംഗങ്ങളായി ഹോസ്ദുര്‍ഗ്ഗ് എ.ഇ.ഒ ശ്രീ സദാനന്ദന്‍ മാസ്റ്റര്‍,ബേക്കല്‍ എ.ഇ.ഒ ശ്രീ രവിവര്‍മ്മ,ബി.പി.ഒ ശ്രീ ......,ഡയറ്റ് ഫാക്കല്‍റ്റി ശ്രീ ജനാര്‍ദ്ദനന്‍ മാസ്റ്റര്‍,ഐ.ടി.@സ്കൂള്‍ മാസ്റ്റര്‍ ട്രെയിനര്‍ ശ്രീ ശങ്കരന്‍ മാസ്റ്റര്‍ എന്നിവരും ജില്ലാ ഓഫീസര്‍ ശ്രീമതി സൗമിനി കല്ലത്തിന്റെ കൂടെയുണ്ടായിരുന്നു.സ്കൂളിലെത്തിയ ഉടന്‍ അസംബ്ലി വിളിച്ചു ചേര്‍ക്കുകയും കുട്ടികളെ അഭിസംബോധന ചെയ്ത് സംസാരിക്കുകയും ചെയ്തു.ടീം അംഗങ്ങള്‍ ഓരോരുത്തരും വിവിധവിഷയങ്ങള്‍ പഠിപ്പിക്കുന്ന അദ്ധ്യാപകരുടെ ക്ലാസ്സുകള്‍ മോണിറ്റര്‍ ചെയ്തു് പാഠ്യപദ്ധതി ലക്ഷ്യങ്ങള്‍ എത്രത്തോളം കുട്ടികളിലെത്തുന്നുണ്ടെന്ന് വിലയിരുത്തി.പിന്തുണ സംവിധാനങ്ങളായ ശാസ്ത്ര ലാബ്,ഐ.ടി. ലാബ്,ലൈബ്രറി എന്നിവ ടിമംഗങ്ങള്‍ സന്ദര്‍ശിച്ചു.ഭൗതിക സാഹചര്യങ്ങളുടെ പരിമിതി പഠനാന്തരീക്ഷത്തെയും പഠനപ്രവര്‍ത്തനങ്ങളെയും ബാധിക്കുന്നുവെന്ന് ടീം വിലയിരുത്തി.സ്കൂളില്‍ നടപ്പിലാക്കുന്ന തനത് പ്രവര്‍ത്തനമായ 'ഉജ്ജീവനം' പഠനപദ്ധതി വിലയിരുത്തി.പഠനപ്രവര്‍ത്തനങ്ങളും ഭൗതിക സാഹചര്യങ്ങളും മെച്ചപ്പെടുത്തുന്നതിനാവശ്യമായ നിര്‍ദ്ദേശങ്ങളും നല്‍കി.
സ്കൂള്‍ അസംബ്ലി - സ്വാഗതം - ഹെഡ്‌മാസ്റ്റര്‍ ഷാജി ഫിലിപ്പ്
ഡി.ഇ.ഒ ശ്രീമതി സൗമിനി കല്ലത്ത് കുട്ടികളെ അഭിസംബോധന ചെയ്ത് സംസാരിക്കുന്നു
ഐ.എസ്.എം - സ്റ്റാഫ് മീറ്റിംഗ്
ഡി.ഇ.ഒ ശ്രീമതി സൗമിനി കല്ലത്ത് ക്ലാസ്സ് വിലയിരുത്തി സംസാരിക്കുന്നു
ബേക്കല്‍ എ.ഇ.ഒ ശ്രീ രവിവര്‍മ്മ ക്ലാസ്സ് വിലയിരുത്തി സംസാരിക്കുന്നു
ഹോസ്ദുര്‍ഗ്ഗ് എ.ഇ.ഒ ശ്രീ സദാനന്ദന്‍ മാസ്റ്റര്‍ ക്ലാസ്സ് വിലയിരുത്തി സംസാരിക്കുന്നു
ഡയറ്റ് ഫാക്കല്‍റ്റി ശ്രീ ജനാര്‍ദ്ദനന്‍ മാസ്റ്റര്‍ ക്ലാസ്സ് വിലയിരുത്തി സംസാരിക്കുന്നു
