ഏകദിന ഐ.സി.ടി അദ്ധ്യാപക ശാക്തീകരണ പരിപാടി 2015

കൊട്ടോടി സ്കൂളില്‍ ഐ.ടി ക്ലബ്ബിന്റെ നേതൃത്വത്തില്‍ അദ്ധ്യാപകര്‍ക്കായി ജൂലൈ 11 ന് ഏകദിന ഐ.സി.ടി അദ്ധ്യാപക ശാക്തീകരണ പരിപാടി  നടത്തി.ഹെഡ്‌മാസ്റ്റര്‍ ശ്രീ.ഷാജി ഫിലിപ്പ് പരിശീലന പരിപാടി ഉദ്ഘാടനം ചെയ്തു.എസ്.ഐ.ടി.സി എ.എം.കൃഷ്ണന്‍ പരിശീലനത്തിന് നേതൃത്വം നല്‍കി.എ.പി.കുഞ്ഞുമോന്‍ ഉദ്ഘാടന ചടങ്ങിന് നന്ദി പറഞ്ഞു.

11 JULY WORLD POPULATION DAY

ജൂലൈ 11 ആണ് ലോക ജനസംഖ്യാദിനമായി ആചരിക്കുന്നത്. 1987 ജൂലൈ 11 ആണ് ലോക ജനസംഖ്യ 500 കോടിയിലെത്തിയത്. അതിനു ശേഷം ഈ ദിവസം ലോക ജനസംഖ്യാദിനമായി ആചരിച്ചു പോരുന്നു.

അടുത്ത 50 വര്‍ഷം കൊണ്ട് ലോകജനസംഖ്യ ഇരട്ടിച്ച് 1100 കോടിയിലെത്തുമെന്നാണ് ജനസംഖ്യാ വിദഗ്ദ്ധരുടെ കണക്കുകൂട്ടല്‍. യുഎന്നിന്റെ മില്ലേനിയം വികസനലക്ഷ്യങ്ങളിലൊന്ന് 2015ഓടെ ദാരിദ്ര്യവും പട്ടിണിയും പകുതിയായി കുറയ്ക്കുകയാണ്. എന്നാല്‍ ഈ ലക്ഷ്യം സാധ്യമാകണമെങ്കില്‍ ജനസംഖ്യയുടെ വളര്‍ച്ച തടഞ്ഞേ മതിയാകൂ.

ദാരിദ്ര്യത്തിന് ആനുപാതികമായി ജനസംഖ്യയും ജനസംഖ്യയ്ക്ക് ആനുപാതികമായി ദാരിദ്ര്യവും വര്‍ദ്ധിക്കുന്നു എന്നതാണ് പോയ നൂറ്റാണ്ടുകള്‍ ലോകത്തിനു നല്‍കിയ പാഠം. അതിനാല്‍ തന്നെ ജനസംഖ്യയ്‌ക്കൊപ്പം ദാരിദ്ര്യവും കുറയ്ക്കാമെന്ന തിരിച്ചറിവിന്റെ ഓര്‍മ്മപ്പെടുത്തലാണ് ലോക ജനസംഖ്യാദിനാചരണത്തിന്റെ ലക്ഷ്യം.